«АerAnT» ЖШС-гі «Орал» халықаралық әуежайы» ЖШС жариялаған Орал әуежайының жермен жүру жолы мен перронын қайта құру жобасын әзірлеу бойынша жұмыстарды орындауға арналған конкурстың жеңімпазы атанды. Техникалық тапсырмаға сәйкес мердігер жыл соңына дейін жобалау жұмыстарын аяқтауы керек.
Жасанды жабындарды қайта құру жобалау-сметалық құжаттаманы әзірлеу әуе кемелерін пайдалану мүмкіндігі үшін қабылданатын Орал әуежайының жермен жүру жолының және перронының беріктік және геометриялық сипаттамаларын Қазақстан Республикасы Инвестициялар және инфрақұрылымдық даму министрінің 31.03.2015 ж. бұйрығымен бекітілген Азаматтық авиация әуеайлақтарын (тікұшақ айлақтарын) пайдалануға жарамдылық нормаларының талаптарына сәйкес келтіру мақсатында жүзеге асырылады.
Жобалық шешімдермен жермен жүру жолы және перрон жабындарын қайта құру жөніндегі жұмыстарды жермен жүру жолы геометриялық параметрлерін ИКАО талап ететін нормаларына дейін келтіре отырып, жермен жүру жолы және перрон жабындарын асфальтбетонмен күшейте отырып орындау, сондай-ақ жер үсті ағынының тазарту құрылыстарымен жер үсті суларын жинауға арналған суағар-дренаж жүйесін салу, жарық сигнал беру жабдығын, перронды жарықтандыру діңгектерін орнату көзделуге тиіс, әуе кемелерін мұздануға қарсы сұйықтықтармен өңдеуге арналған алаңшаны жабдықтау қарастырылуы қажет.
Естеріңізге сала кетейік, әуеайлақ жабындарының жай-күйі бүгінгі таңда әуежайды дамытудың тежеуші факторы болып табылады. Биыл оларды ағымдағы жөндеу жоспарланған, сонымен қатар әуеайлақты қайта құру жобасы әзірленеді, оның басталуы келесі жылға жоспарланған. Қайта құру жобасын дайындау және әуеайлақ беттерін қайта жаңарту әуе кемелеріне қызмет көрсету бойынша осы шектеулерді алып тастауға мүмкіндік береді, бұл әуе кемелерінің көп санын қабылдауға мүмкіндік береді.