Естеріңізге сала кетейік, ағымдағы жылдың 1 мамырынан бастап ҚР Көлік министрлігі Азаматтық авиация комитетінің нұсқауы бойынша еліміздің барлық әуежайларында авиациялық қауіпсіздік шаралары күшейтіліп, "бірінші тексеру желісі" ұйымдастырылды. Әуежайға кіре берісте арнайы жабдық орнатылды және әуежайдың авиациялық қауіпсіздік қызметінің персоналы аэровокзал ғимаратына кіретін барлық адамдарды, сондай-ақ, металл детекторы мен рентген-телевизиялық қондырғының көмегімен олардың жеке заттарын, жүгін тексеруді жүзеге асырды. Бұл шаралар жолаушылар терминалдарына тыйым салынған нәрселер мен заттардың тасымалдануын болдырмауға бағытталған.

Әдетте, Қазақстанда мұндай шараларға ірі саяси іс-шараларды өткізу кезеңінде, мереке күндері, сондай-ақ, қандай да бір қауіп туындаған жағдайда жүгінеді. Қазіргі уақытта бірінші тексеру желісі және аэровокзал кешеніне кіре берісте орнатылған тексеру жабдығы алынып тасталды.

Қажет болған жағдайда, сондай-ақ, уәкілетті органның шешімі бойынша тексеру жабдығы қайтадан орнатылатынын атап өтеміз.